جڑواں بہن بھائی جن کی عمر میں ایک سال کا فرق

امریکی ریاست کیلیفورنیا میں جڑواں بہن بھائی کی پیدائش جن کی عمر میں ایک سال کا فرق

امریکی ریاست کیلیفورنیا میں خاتون نے جڑواں بچوں کو جنم دیا جن میں سے ایک 2021 اور دوسرا 2022 میں پیدا ہوا۔امریکی میڈیا کی رپورٹ کے مطابق فاطمہ میڈریگال اور رابرٹ ٹریوجیلو کے ہاں بچوں کی پیدائش نیٹیواڈاڈ میڈیکل سینٹر میں ہوئی اور دونوں کی پیدائش میں 15 منٹ کا فرق تھا۔ جبکہ ہسپتال کی جانب سے کیے گئے ٹوئٹ کے مطابق خاتون کے ہاں پہلے 31 دسمبر کو رات 11 بج کر 45 منٹ کو بیٹے کی پیدائش ہوئی اور اس کے 15 منٹ بعد رات 12 بجے یکم جنوری کو بیٹی ایلان یولنڈا کی پیدائش ہوئی۔

ہسپتال کی جانب سے مزید بتایا گیا کہ دونوں کی پیدائش میں 15 منٹ کے وقفے کے باعث اب ان کی سالگرہ مختلف دن، مہینے اور سال میں ہوگئی، اس امکان کی شرح 20 لاکھ میں سے ایک کے برابر ہے۔