صدر مملکت آصف علی زرداری آج اولمپک گولڈ میڈلسٹ ارشد ندیم کو ہلال امتیاز کے اعزاز سے نوازیں گے۔
ایوان صدر میں آج خصوصی تقریب ہوگی جس میں صدر مملکت آصف علی زرداری پیرس اولمپکس 2024 میں طلائی تمغہ جیتنے والے قومی ایتھلیٹ ارشد ندیم کو ہلال امتیاز سے نوازیں گے۔
یاد رہے کہ رواں 8 اگست کو ارشد ندیم نے پیرس اولمپکس کے جیولن تھرو فائنل میں 92.97 میٹر کی تھرو کر کے اولمپک کی تاریخ کا 118 سالہ ریکارڈ توڑا تھا۔
وزیراعظم شہباز شریف نے ارشد ندیم کو ہلال امتیاز دینے کی سفارش کی تھی جس کی صدر مملکت آصف زرداری نے گزشتہ دنوں منظوری بھی دی تھی۔ آج کی تقریب اسی سلسلے میں ہوگی۔
