گلگت: وزیر اعلیٰ گلگت بلتستان امجد حسین نے کہا کہ حکومت گلگت بلتستان گلیشیئرز کے تحفظ کیلئے پرعزم ہے ، گلگت بلتستان میں جنگلات اور گلیشیئرز کے تحفظ کیلئے گرین انرجی اور متبادل توانائی کے ذرائع متعارف کرانا ناگزیر ہے ۔
گلگت: ان خیالات کا اظہار وزیراعلیٰ امجد حسین نے گلیشیئرز پروٹیکشن اتھارٹی کو فعال بنانے اور گلیشیئرز کے حوالے سے کام کرنے والے بین الاقوامی اداروں کے باہمی کے ساتھ گلگت بلتستان کو موسمیاتی تبدیلیوں کے منفی اثرات سے بچانے کے حوالے سے منعقدہ اجلاس کے موقع پر گفتگو کرتے ہوئے کیا ۔
محدود وسائل کے باوجود گلگت بلتستان گلیشیئرز پروٹیکشن اتھارٹی کا قیام اور وسائل مختص کرنا اس بات کا مظہر ہے کہ گلیشیئرز کا تحفظ محفوظ مستقبل کیلئے ناگزیر ہے ۔
سرکاری محکموں میں ہائبرڈ گاڑیوں کو متعارف کرائی جا رہی ہیں، گلگت بلتستان میں جنگلات اور گلیشیئرز کے تحفظ کیلئے گرین انرجی اور متبادل توانائی کے ذرائع متعارف کرانا ناگزیر ہے جس کیلئے بین الاقوامی کمیونٹی کو اپنا کردار ادا کرنا ہوگا ۔
اس موقع پر وزیر اعلیٰ نے صوبائی سیکریٹری جنگلات سبطین احمد کو ہدایت کی کہ میڈیسنل پلانٹس کی پالیسی کا بینہ اجلاس میں پیش کی جائے تاکہ ٹرافی ہنٹنگ کی طرز پر اس حوالے سے بھی کنزرویشن کمیٹیاں تشکیل دی جا سکیں ۔
