فیڈرل بورڈ آف ریونیو نے رواں مالی سال کے پہلے 8ماہ کا ٹیکس ہدف حاصل کر لیا۔
ذرائع کے مطابق جولائی سے فروری کے دوران ایف بی آر نے 5ہزار 831ارب روپے کا ٹیکس اکٹھا کیا جبکہ جولائی سے فروری تک ایف بی آر کا ٹیکس ہدف 5ہزار 829ارب روپے مقرر تھا۔مالی سال کے 8ماہ میں ایف بی آر کی ٹیکس وصولی میں30فیصد کا اضافہ ہوا۔دوسری جانب زرمبادلہ کے سرکاری ذخائر میں 6کروڑ 30لاکھ ڈالر کی کمی ہو گئی۔اسٹیٹ بینک کے مطابق زرمبادلہ کے سرکاری ذخائر کی مالیت 7ارب 94کروڑ 96لاکھ ڈالر ہو گئی۔زرمبادلہ کے مجموعی ذخائر کی مالیت 13ارب 3کروڑ 85لاکھ ڈالر ریکارڈ کی گئی۔کمرشل بینکوں کے پاس 5ارب 8کروڑ 89لاکھ ڈالر کے ذخائر موجود ہیں
