71 سالہ جوا پیمنٹا نے خواب دیکھا تھا کہ انکے گھر کے باورچی خانے کے زیرِ زمین بہت سا سونا دفن ہے جس کو پانے کی کوشش میں وہ جان سے ہاتھ دھو بیٹھے۔برازیل سے تعلق رکھنے والے 71 سالہ شخص نے ایک خواب میں دیکھا کہ انکے گھر کے باورچی خانے کے نیچے سونا دفن ہوا ہے۔ انہوں نے اس خواب کو حقیقت میں تبدیل کرنے کے لئے اپنے ہاتھوں سے گڑھا کھودا۔
جوا یمینٹا نے اپنے خواب کے بارے میں پڑوسیوں کو بھی بتایا، پڑوسیوں نے انکی بات کا مذاق اڑایا تاہم جوا پیمینٹا نے آخر میں انہیں قائل کر لیا۔ یہاں تک کہ پڑوسیوں نے کھدائی میں ان کی مدد کرنے کا فیصلہ بھی کیا۔ دونوں گھرانوں نے مل کر جوا پیمینٹا کے کچن کی زمین کو کھودنا شروع کیا اور آخر کار 40 میٹر گہرا گڑھا کھود دیا۔ سونا تلاش کرنے کیلئے جوا پیمنٹا نیچے اترے، سونا تو نہیں ملا تاہم بدقسمتی سےخزانے کی تلاش ان کی موت کی وجہ بنی۔ افسوس کہ جوا پیمینٹا بلندی سے گڑھے میں گر گئے اور موقع پر ہی انکی جان نکل گئی۔
