ساہیوال: داسو ہائیڈل پاور پراجیکٹ حملے میں ملوث 2 دہشتگرد اپنے ہی ساتھیوں کی فائرنگ سے ہلاک ہوگئے۔ ترجمان سی ٹی ڈی کے مطابق دو دہشتگردوں محمد حسین اور ایاز عرف جہانزیب کو ساہیوال جیل سے منتقل کیاجارہا تھا کہ راستے میں سمندری کے علاقے میں فائرنگ کا واقعہ پیش آیا۔
ترجمان کا مزید بتانا ہے کہ گرفتار دہشتگردوں کو چھڑانے کے لیے ا ن کے ساتھیوں نے پولیس پر فائرنگ کی جس کے نتیجے میں دونوں دہشتگرد اپنے ہی ساتھیوں کی فائرنگ سے ہلاک ہو گئے۔ واضح رہے کہ داسو حملے میں ملوث دہشتگردوں کو عدالت سزائے موت سنا چکی تھی، 14 جولائی 2021 کو داسو حملے میں 9 غیر ملکیوں سمیت 13 افرادہلاک اور 20 زخمی ہوئےتھے۔
