اسلام آباد کی انسدادِ دہشت گردی عدالت نے خیبر پختونخوا کے وزیرِ اعلیٰ علی امین گنڈاپور کے ناقابلِ ضمانت وارنٹ جاری کر دیئے۔
عدالت نے علی امین گنڈاپور کے علاوہ تحریک انصاف کے متعدد رہنماوں کے بھی ناقابلِ ضمانت وارنٹ گرفتاری جاری کیے ہیں۔
پی ٹی آئی کے رہنماؤں پر دہشت گردی کی دفعات کے تحت اسلام آباد کے تھانہ آئی 9 میں مقدمہ درج ہے۔
اس کے علاوہ انسدادِ دہشت گردی کی عدالت کے جج طاہر عباس سِپرا نے فیصل جاوید کی حاضری معافی کی درخواست منظور کر لی اور سماعت 3 اکتوبر تک ملتوی کر دی۔
