ایوب میڈیکل کمپلیکس کے باہر شہری کو سرعام تشدد کا نشانہ بنانے اور فائرنگ کرنے والے ملزمان گرفتار کرلئے گئے، مقدمہ بھی درج کردیا گیا ۔
ایبٹ آباد: واقعہ کی ویڈیو سوشل میڈیا پر وائرل ہوتے ہی پولیس متحرک ہوگئی اور ایس ایچ او تھانہ میرپور نے فوری کارروائی کرتے ہوئے آدھے گھنٹے سے بھی کم وقت میں دونوں ملزمان کو اسلحہ سمیت گرفتار کر لیا ۔
گرفتار ملزمان میں حمزہ ولد شیرافضل اور شہریار عرف شیری ولد افسر ساکنان میرپور شامل ہیں، جنہوں نے 42 سالہ عدنان خان ولد میرافضل کو سرعام تشدد کا نشانہ بنایا اور فائرنگ بھی کی جس سے علاقے میں خوف و ہراس پھیل گیا تھا ۔
پولیس نے ملزمان کے خلاف زیر دفعہ 324/34 مقدمہ درج کر کے مزید تفتیش شروع کر دی ہے، ایبٹ آباد پولیس کا کہنا ہے کہ شہریوں کے جان و مال سے کھیلنے اور قانون ہاتھ میں لینے والوں کے ساتھ آہنی ہاتھوں سے نمٹا جائے گا ۔
