جہلم اور گوجر خان میں مصنوعی بارش کا کامیاب تجربہ کر لیا گیا۔ ٹیکنالوجی کے میدان میں پنجاب نے پھر خود کو سب سے آگے ثابت کردیا۔ کلاؤڈ سیڈنگ کےنتیجے میں جہلم اور گوجر خان میں بارش ہوئی۔
محکمہ موسمیات نےتصدیق کی کہ جہلم، چکوال، تلہ گنگ اور گوجر خان میں کلاؤڈ سیڈنگ کے نتیجے میں جہلم اور گوجر خان میں بارش ہوئی۔ ماہرین نے بتایا کہ دوپہر دو بجے کلاؤڈ سیڈنگ کی گئی تھی جس سے جہلم اور گوجر خان میں چند گھنٹوں بعد بارش ہوئی اور اس سے لاہور میں بھی بارش کا قوی امکان ہے۔
ماہرین نے کہا کہ مصنوعی بارش سے اسموگ میں کمی لانے میں بہت حد تک مدد ملے گی۔ مصنوعی بارش کے منصوبے کا تجربہ افواج پاکستان کی سائنسی تحقیق اور ماہرین، آرمی ایوی ایشن، پارکو، ماحولیاتی تحفظ کے ادارے اورحکومت پنجاب کے اشتراک سے کیا گیا۔
وزیراعلی پنجاب مریم نواز نے متعلقہ اداروں اور ماہرین کو مصنوعی بارش کےکامیاب تجربے پر مبارک باد دی اور کہا کہ آج آپ کی محنت، لگن اور قابلیت سے پنجاب نے ایک نئی تاریخ رقم ہوئی ہے۔
