وفاقی دارالحکومت اسلام آباد، جڑواں شہر راولپنڈی اور پشاور سمیت خیبر پختونخوا کے مختلف شہروں میں زلزلے کے جھٹکے محسوس کیے گئے ہیں، زلزلہ پیما مرکز کے مطابق زلزلے کی شدت 5.6 ریکارڈ کی گئی ۔
اسلام آباد: وفاقی دارالحکومت ، راولپنڈی اور خیبر پختونخوا کے مختلف علاقو صوابی، مردان، دیر بالا، مالاکنڈ ، لوئر دیر، ہنگو،کوہاٹ،باجوڑ، سوات ، بونیر،شانگلہ،شمالی وزیرستان میں زلزلے کے جھٹکے محسوس کیے گئے ہیں ۔
زلزلے کے شدید جھٹکوں کے باعث مختلف علاقوں میں لوگوں میں خود ہراس پھیل گیا، لوگ گھروں سے نکال آئے اور کلمہ طیبہ کا ورد کرتے رہے ۔
زلزلہ پیما مرکز کے مطابق زلزلے کی شدت 5.6 ریکارڈ کی گئی، زلزلے کا مرکز ہندوکش ریجن افغانستان تھا اور گہرائی 73 کلومیٹر تھی ۔
زلزلے کے باعث فی الحال کسی جانی و مالی نقصان کی کوئی اطلاع موصول نہیں ہوئی ۔
