سندھ کے وزیراعلیٰ سید مراد علی شاہ نے ایران حادثے کے شہدا کے لواحقین اور زخمیوں کی مالی مدد کا اعلان کیا ہے۔
ذرائع کے مطابق 4 دن قبل ایران میں پاکستانی زائرین کی بس حادثے کا شکار ہوگئی تھی،اس بس حادثے میں35 پاکستانی جاں بحق اور 15 زخمی ہو گئے تھےـ جس کی وجہ سےوزیراعلی سندھ سید مراد علی نے شہدا کے لواحقین اور زخمیوں کی مالی مدد کرنے کا اعلان کیا ہے۔ ایران حادثے میں شہید ہونے والے کے خاندان کو 50 لاکھ روپے جبکہ زخمی کو فی کس 10 لاکھ روپے دیے جائیں گے۔ حکومت سندھ نے چیئرمین پیپلز پارٹی بلاول بھٹو زرداری کی ہدایت پر شہدا کی میتوں کو واپس لانےکا مکمل انتظام بھی کیاہے۔
