اسلام آباد پولیس کے دو ایس ایچ اوز کو ملازمت سے برطرف کر دیا گیا جبکہ سات ایس ایچ اوز معطل کر دئیے گئے۔ ڈی آئی جی آپریشنز سید شہزاد ندیم بخاری کی زیر صدارت اجلاس ہوا، اجلاس کے بعدناقص کارکردگی پر تھانہ آبپارہ اور سہالہ کے ایس ایچ اوز نوکری سے برخاست کر دیاگیا جبکہ 7 تھانہ جات کے ایس ایچ اوز کو معطل کردیا گیا۔
معطل ہونے والوں میں تھانہ مارگلہ، رمنا، سنگجانی، نیلور، کورال،لوہی بھیر اور ہمک شامل ہیں۔ ایس ایچ او آئی نائن اور کراچی کمپنی کو اچھی کارکردگی پر انعامات کا اعلان کیا گیا جکہ باقی تمام ایس ایچ اوز کو کارکردگی بہتر بنانے کے لئے چار دنوں کا وقت دیا گیا۔اس موقع پر گفتگو کرتے ہوئے ڈی آئی جی آپریشنز نے کہا کہ جس کی کارکردگی بہتر ہوگی وہی ہماری ٹیم کا حصہ رہے گا۔
انہوں نے حکن دیا کہ تمام نفری تھانے میں موجود رہے گی جس کو کام ہوگا متعلقہ ڈی پی او کی اجازت سے جائے گا۔اشتہاریوں کے خلاف کریک ڈاون تیز کیا جائے گا۔ افسران متعلقہ تھانوں کے ناکہ جات پر کنٹرول مضبوط بنائیں۔ انکا مزید کہنا تھا کہ کرپشن اور غیراخلاقی رویہ ہرگز برداشت نہیں کیا جائے گا۔
