شیخوپورہ میں بس اور وین میں تصادم ہوا۔جس کی وجہ سے 5 افراد جاں بحق ہوگئے ہیں۔
ذرائع کے مطابق موٹروے کے کوٹ عبدالمالک انٹر چینج کے قریب بس اور مسافر وین میں تصادم کے نتیجے میں 5 افراد جاں بحق ہوگئے۔ریسکیو حکام کے مطابق مسافر وین کوہاٹ سے لاہور جا رہی تھی کہ موٹر وے کے کوٹ عبدالمالک انٹر چینج کے قریب تیز رفتار بس نے اسے ٹکر مار دی۔
اس تصادم کے نتیجے میں 5 افراد جاں بحق اور 10 افراد شدید زخمی ہوگئے ہیں۔اطلاع ملتے ہی امدادی ٹیمیں موقع پر پہنچ گئیں اور لاشوں اور زخمیوں کو اسپتال منتقل کردیا گیا۔
ریسکیو حکام کے مطابق تیز رفتار بس کے ڈرائیور کا گاڑی پر سے کنٹرول ختم ہوگیا اور وہ مسافر وین سے ٹکرا گئی جس کے نتیجے میں 5 افراد موقع پر ہی جاں بحق ہوگئے۔یاد رہے کہ جاں بحق اور زخمیوں کی شناخت ابھی تک معلوم نہیں ہوسکی ہے۔
