قومی ٹیسٹ ٹیم کے کپتان شان مسعود نے راولپنڈی میں پریس کانفرنس کرتے ہوئے کہا ہے کہ قومی ٹیسٹ ٹیم بہترین کھلاڑیوں پر مشتمل ہے، بنگلا دیش کےخلاف اچھی کارکردگی دکھائیں گے۔
شان مسعود کا کہنا تھا کہ راولپنڈی کی وکٹ پر سپن باؤلنگ زیادہ بہتر ثابت ہوگی، ٹیم میں 6 بہترین فاسٹ باؤلرز موجود ہیں۔
شان مسعود نے ہوم میچز کو جیتنے کا عزم کرتے ہوئے کہنا تھا کہ محمد ہریرہ کو امام الحق کی جگہ اوپننگ کرانے کا سوچا ہے، صائم ایوب بھی بہترین فارم میں ہیں۔
ان کا کہنا تھا کہ آسٹریلیا میں عامر جمال ہمارے لیے بہترین پلیئر ثابت ہوئے، انہوں نے آسٹریلیا میں بہترین کارکردگی دکھائی، ہم یہ نہیں کہہ رہے کہ ایک باؤلردوسرے سے بہتر ہے، ہمیں کنڈیشنز کے لحاظ سے باؤلر کا استعمال کرنا ہوتا ہے۔
