بی این پی سربراہ سردار اختر مینگل نے میڈیا سے بات کرتے ہوئے قومی اسمبلی کی رکنیت سے مستعفی ہونے کا اعلان کردیا ہے ،انہوں نے کہاکہ پاکستان میں سیاست سے بہتر ہے کہ میں پکوڑوں کی دکان لگا لوں۔
ذرائع کے مطابق ،بلوچستان نیشنل پارٹی (بی این پی) کے سربراہ سردار اختر مینگل نے آج اسلام آباد میں میڈیا سے گفتگو کرتے ہوئے اس بات کا اعلان کیا کہ وہ قومی اسمبلی کی رکنیت سے مستعفی ہو رہے ہیں ـ انہوں نے گفتگو کے دوران ملکی سیاست پر بات کرتے ہوئے اپنے عدم اعتماد کا اظہار بھی کیا ہے اور کہا ہے کہ پاکستان میں سیاست کا کوئی مستقبل نہیں ہے ،اس سے بہتر ہے کہ میں پکوڑوں کی دکان لگا لوں۔
پارلیمنٹ ہاؤس کے باہر سردار اختر مینگل نے محمود خان اچکزئی اور دیگر کے ہمراہ میڈیا سے گفتگو میں کہا کہ ملک میں حکومت نام کی رہ گئی ہے اسی لیے میں آج قومی اسمبلی کی رکنیت سے استعفیٰ دینے کا اعلان کرتا ہوں۔سردار اختر مینگل نے مزید بات کرتے ہوئےکہا کہ حکومت کو بلوچستان کے مسئلے پر کوئی دلچسپی نہیں ہے اور یہ لوگ صوبے کے مسئلے کو سمجھ نہیں سکے۔ اب کسی ادارے پر یقین نہیں رہا ـ
