مظفر آباد: کالعدم جوائنٹ ایکشن کمیٹی کے سرغنہ سعد انصاری کے بھائیوں نے شرپسند کمیٹی سے لاتعلقی کا اظہار کردیا۔
محسن انصاری اور احسن انصاری نے عوام سے انتشاری کمیٹی کی خون ریزی اور تصادم سے دور رہنے کی اپیل کی ہے۔
میرپور میں عوامی ایکشن کمیٹی کے شرپسند سرغنہ سعد انصاری کے بھائیوں نے ویڈیو پیغام میں کہا کہ عوامی حقوق کی بات کرنا مناسب ہے لیکن عوامی ایکشن کمیٹی شرپسندی کی اس راہ پر چل رہی ہے جس کا انجام بہت برا ہے۔
انہوں نے کہا کہ اس انتشاری اور شرپسند جوائنٹ ایکشن کمیٹی کی پرتشدد کارروائیوں کی وجہ سے جانی نقصان ہو رہا ہے۔
لوگوں سے اپیل ہے کہ انتشاری تحریک کا حصہ نہ بنیں اور ایسی صورتحال پیدا نہ کریں جس سے قتل و غارت اور شرپسندی کو بڑھاوا ملے۔
مفرور اور سیکیورٹی اداروں کو مطلوب سعد انصاری کے بھائی احسن انصاری نے کہا کہ عوام سے اپیل کرتا ہوں کہ کشمیر میں شرپسندی پھیلانے والی اس انتشاری عوامی ایکشن کمیٹی کا حصہ نہ بنیں۔
انہوں نے کہا کہ کالعدم کمیٹی کے پرتشدد واقعات میں شہید ہونے والے سکیورٹی فورسزکے اہلکار بھی ہمارے بھائی ہیں۔
بیرونی ایماء پر آزاد کشمیرمیں افراتفری اور قتل و غارت کرنے والی انتشاری کمیٹی سے ان کے اہلخانہ بھی لاتعلقی کا اعلان کر رہے ہیں۔
