روس کے نائب وزیراعظم الیکسی اوورچوک آج اپنے دورے پر پاکستان پہنچ رہے ہیں۔
دفتر خارجہ کے ترجمان کے مطابق روسی نائب وزیراعظم الیکسی اوور چوک آج اپنے 2 روزہ دورے پر پاکستان آئیں گے، جہاں وہ صدرآصف زرداری، وزیراعظم شہباز شریف اور نائب وزیراعظم سے ملاقاتیں کریں گے۔
نائب وزیراعظم اسحاق ڈار اور روسی ہم منصب کے درمیان باضابطہ مذاکرات ہوں گے، جن میں پاکستان اور روس کے درمیان تجارت و معاشی تعاون پر بات چیت ہوگی۔ دونوں ممالک کے درمیان ریل اور روڈ روابط کے فروغ کے لیے یہ اہم دورہ ہے۔
واضح رہے گزشتہ سال پاکستان نے رعایت پر روسی خام تیل کی خریداری شروع کی تھی، جس کے بعد پاکستان کو گزشتہ ستمبر میں روس سے مائع پیٹرولیم گیس کی پہلی کھیپ بھی موصول ہوئی، جو کہ اسلام آباد کی دوسری بڑی روسی توانائی کی خریداری ہے۔
