ملک میں مقیم غیر قانونی افراد کی اپنے وطن واپسی کا سلسلہ جاری ہے۔ اب تک 5لاکھ 20ہزار سے زائد افراد کی اپنے وطن واپسی ہوچکی ہے۔
پاکستان کے مختلف شہروں میں غیر قانونی طور پر مقیم افغان باشندوں کی وطن واپسی کا سلسلہ بدستور جاری ہے۔سرکاری اعداد وشمار کے مطابق 21مارچ سے کل تک مزید 7186غیر قانونی افغان باشندے اپنے ملک چلے گئے۔واپس جانے والوں میں 2874مرد، 1543خواتین اور 2769بچے شامل ہیں۔افغانستان روانگی کے لئے 284گاڑیوں میں 297خاندانوں کی اپنے وطن واپسی عمل میں لائی گئی ہے۔یاد رہے کہ وفاقی حکومت کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی تاہم سرکاری اعداد وشمار کے مطابق 24مارچ تک مجموعی طور پر 5لاکھ 20ہزار 692افغان باشندے اپنے ملک جا چکے ہیں
