راولپنڈی پولیس نے مختلف اضلاع سے گاڑیوں کو چوری کرنے والے ملزم کو اپنی حراست میں لے کر ایک کروڑ روپے سے زائد مالیت کی گاڑیاں برآمد کرلی ہیں۔
ذرائع کےمطابق ارشد نامی ملزم کو تھانہ صدر واہ کی پولیس نےگرفتار کر کے اپنی حراست میں لے لیا،ذرائع کےمطابق گرفتار کئے گئے ملزم سے ایک کروڑ سے زائد مالیت کی چار گاڑیاں برآمد ہوئی ہیں۔
صدر واہ پولیس نے پٹرولنگ کےدوران ایک مشکوک گاڑی کو روک کرچیک کرنا شروع کیا تو معلوم ہوا کہ یہ ضلع وہاڑی سے چوری کی گئی گاڑی ہے،جس کے بعد ملزم کو پولیس نے گرفتار کرلیا،تفتیش کے دوران مزید تین گاڑیاں بھی برآمد کر کی گئیں۔پولیس کا کہنا ہے کہ ملزم ارشد نے گاڑیاں وہاڑی، گوجرانوالہ، اسلام آباد اور روات سے چوری کی تھیں۔
