امیگریشن سیل کی ایئر پورٹ پر کارروائی سے راولپنڈی میں قتل کے ملزم کو دبئی سے واپس پہنچتے ہی کراچی سے گرفتار کرلیا گیا۔
تفصیلات کے مطابق وفاقی تحقیقاتی ادارے (ایف آئی اے) کے امیگریشن سیل نے کراچی ائیرپورٹ پر کارروائی کی جس میں دبئی سے واپس آنے والے ایک ملزم محمد عمر کو گرفتار کرلیا گیا۔ایف آئی اے حکام نے بتایا کہ ملزم کا نام سٹاپ لسٹ میں شامل ہے، ملزم کے خلاف پنجاب کے کینٹ راولپنڈی پولیس اسٹیشن میں قتل کا مقدمہ درج ہے۔
ایف آئی اے کے مطابق ملزم نجی ائیر لائن کی پرواز سے پاکستان واپس پہنچا ہی تھا کہ اسے کراچی ایئر پورٹ سے گرفتار کر لیا گیا۔
