محکمہ صحت نے راولپنڈی میں ڈینگی کے 6 کنفرم کیسز کی تصدیق کی ہے.
راولپنڈی میں رواں سال 3 ہزار 450 افراد کی ڈینگی سکریننگ کی گئی.
سکریننگ کے دوران 6 ڈینگی کیسز کنفرم، 192 مریض نان ڈینگی قرار دیے گئے.
3 مریض ڈینگی کے شبہ میں ہسپتالوں میں داخل ہوئے جب کہ کنفرم مریضوں میں کوئی داخل نہیں ہوا.
رواں سال ڈینگی سے کوئی ہلاکت رپورٹ نہیں ہوئی۔
اگست میں ڈینگی کا کوئی نیا مریض رپورٹ نہیں ہوا، جولائی میں 4 کیسز سامنے آئے.
جولائی کے 4 مریض ڈھوک حسو جنو بی، کوٹھہ کلاں اور کونٹریلا سمیت مختلف علاقوں سے رپورٹ ہوئے.
راولپنڈی میں ڈینگی لاروا کی موجودگی والے مقامات میں کارروائیاں جاری ہیں.
لاروا کی نشاندہی پر 1 ہزار 973 ایف آئی آرز، 537 مقامات سیل اور 1 ہزار 778 چالان کیے گئے.
ڈینگی ایس او پیز کی خلاف ورزیوں پر 21 لاکھ 24 ہزار روپے جرمانہ عائد کیا گیا.
راولپنڈی میں ڈینگی سرویلنس کے لیے 415 آؤٹ ڈور اور 985 انڈور ٹیمیں متحرک ہیں.
ڈینگی سرویلنس کے دوران 42 لاکھ 96 ہزار سے زائد گھروں کی چیکنگ، ایک لاکھ 6 ہزار 993 گھر مثبت قرار دیے گئے.
مختلف مقامات پر 14 لاکھ 81 ہزار سے زائد اسپٹس چیک، 17 ہزار 348 مقامات پر لاروا کی نشاندہی کی گئی۔
راولپنڈی کے یو سی گر جا، گلستان کالونی اور رحیم آباد میں لاروا کی سب سے زیادہ نشاندہی کی گئی.
ڈھوک حسو، مورگاہ، دھوک منگٹال، کلیال، کمال آباد اور ڈھیری حسن آباد بھی لاروا کے حوالے سے حساس علاقے قرار دیئے گئے۔
محکمہ صحت کے مطابق راولپنڈی میں ڈینگی کی روک تھام کے لیے سرویلنس اور انسداد کارروائیاں جاری ہیں.
