جموں: مقبوضہ کشمیرکا ضلع راجوری بھارتی ریاستی دہشت گردی کا مرکز بن چکا ہے۔
قابض افواج کا محاصرہ مسلسل تیرہویں روزبھی برقرار رہا۔
ضلع راجوری کوعملی طور پر جنگی زون میں تبدیل کردیا گیا ہے۔
آج بھی وادی دھماکوں اورشدید فائرنگ کی آوازوں سے گونج رہی ہے۔
بھارتی فوج اوردیگرقابض فورسزنے آپریشن شیراوالی کے نام پرراجوری کے علاقوں گمبھیرمغلان اور ڈوری مال مانجاکوٹ میں ظلم کی انتہا کردی ہے۔
دشوار گزار راستوں پر بے گناہ کشمیریوں کو نشانہ بنانے کے لیے جنگی ہیلی کاپٹرز، ڈرونز، سراغ رساں کتوں اورپیرا کمانڈوز کا استعمال کیا جا رہا ہے۔
قابض بھارتی فورسز چادر اور چار دیواری کا تقدس پامال کرتے ہوئے گھرگھر تلاشی کے نام پرخواتین، بزرگوں اور بچوں کو ہراساں کرتی ہیں۔
راجوری کے غیور عوام اس وقت بھارتی ظلم وجبر اور طاقت کے وحشیانہ مظاہرے کا ڈٹ کر مقابلہ کر رہے ہیں۔
مقبوضہ کشمیرمیں بندوق کے زور پر آزادی کی آواز دبانے کا بھارتی حربہ نہ پہلے کامیاب ہوا نہ اب ہو گا۔
