وزیراعلیٰ پنجاب مریم نواز شریف نے الیکٹروبس کے جدید ترین آٹومیٹک واشنگ پلانٹ کا مشاہدہ کیا۔ اس واشنگ پلانٹ پر آٹو میٹک طریقہ کار سے الیکٹرو بس کی واشنگ اور ڈرائی کیا جاتا ہے۔ اور الیکٹروبس کے جدید ترین واشنگ پلانٹ میں ری سائیکلنگ کے ذریعے پانی کو دوبارہ استعمال میں لایا جاتا ہے۔ وزیراعلیٰ نے الیکٹروبسوں کے لئے جدید ترین چارجنگ سٹیشن کا بھی مشاہدہ کیا۔تفصیلات کے مطابق یو ٹونگ کمپنی کے جدید ترین 160کلوواٹ چارجنگ ا سٹیشن 105منٹ میں الیکٹرک بس کو چارج کیا جاتا ہے۔ وزیراعلیٰ مریم نواز شریف نے کمانڈ اینڈ کنٹرول سینٹر کا دورہ بھی کیا اور گرین الیکٹروبس کے نئے روٹس دریافت کرنے کی ہدایات جاری کیں۔ وزیراعلیٰ مریم نواز شریف کی الیکٹروبس چارجنگ سسٹم جلد از جلد شمسی توانائی پر منتقل کرنے کی ہدایات جاری کیں۔ وزیراعلیٰ نے مسافروں کی تعداد کے پیش نظر مزید بہتر انتظامات کرنے کی ہدایت بھی جاری کیں۔وزیراعلیٰ مریم نواز شریف نے 1500نئی بسوں کے لئے ٹائم لائن طلب کی اور گرین بس پراجیکٹ کے کاربن کریڈٹس کلیم کرنے کی ہدایت بھی کیں۔ وزیر اعلیٰ نے خصوصی افراد کی معاونت کرنے والے الیکٹروبس کے عملے کے جذبہ کو سراہا۔ گرین بس کی لانچنگ سے پنجاب میں رائیڈر شپ کے ریکارڈ ٹوٹ گئے۔
مریم نواز نے فیصل آباد اور گوجرانوالہ میں جلد از جلد میٹرو بس سروس پراجیکٹ کا آغاز کرنے کی امید ظاہر کی اور بسوں کی تعدا دبڑھانے پر زور دیا تاکہ الیکٹروبس کے ذریعے عوام کو آرام دہ سفر کی بہترین سہولیات میں اضافہ کیا جاسکے۔ حکومت پنجاب عوام بالخصوص بچوں اور خواتین کی سہولت اور تحفظ کو اولین ترجیح دے رہی ہے۔ اسمارٹ ٹریول سسٹم عوام کے لیے آسان، تیزسفری سہولت فراہم کررہا ہے۔ الیکٹرک بسیں فضائی آلودگی اور اسموگ میں کمی کا باعث بن رہی ہیں۔پنجاب کے عوام کے لئے صاف، محفوظ اور جدید پبلک ٹرانسپورٹ حکومتِ پنجاب کی اولین ترجیح ہے۔اس موقع پر سی ای او پنجاب ٹرانسپورٹ کمپنی کوثر خان نے وزیراعلیٰ پنجاب کوتفصیلی بریفنگ دی کہ پنجاب میں ایک کروڑ55لاکھ سے زائد مسافر الیکٹروبس پر سفر کر چکے ہیں۔الیکٹروبس پر38 خواتین اور 15لاکھ سے زائد طلبہ مفت سفر سے مستفید ہوچکے ہیں۔ الیکٹروبس پر تقریباًساڑھے 7 لاکھ بزرگ اور3 لاکھ سپیشل افراد بھی مفت سفر کر چکے ہیںاور ہر الیکٹروبس میں 6 کیمروں سے ڈیجیٹل نگرانی کی جاتی ہے۔
