پنجاب بھر میں حضرت امام حسینؑ اور شہدائے کربلا کے چہلم کی سکیورٹی کے انتظامات مکمل کر لیے گئے۔
سکیورٹی کے انتظامات کے حوالے سے آئی جی پنجاب ڈاکٹر عثمان انور کا کہنا تھا کہ پنجاب بھر میں چہلم پر 680 مجالس اور 382 عزاداری جلوس برآمد ہوں گے، جس کےلیے 30 ہزار سے زائد پولیس افسران اور اہلکار سکیورٹی کے فرائض سر انجام دیں گے۔
آئی جی پنجاب کا کہنا تھا کہ سیف سٹی کیمروں، واک تھرو گیٹس اور میٹل ڈیٹیکٹرز کو بھی سکیورٹی کے لیے استعمال کیا جائے گا۔
ڈاکٹر عثمان انور کا یہ بھی کہنا تھا کہ لاہور بھر میں 44 مجالس اور 5 جلوسوں کی سکیورٹی پر 7 ہزار سے زائد افسران و اہلکار تعینات ہوں گے۔
