غیر ملکی خبر رساں ادارے کے مطابق فلسطینیوں کےحامیوں نے امریکا کے صدر جو بائیڈن کیلئے تقریر کرنا مشکل کردیا۔
صدر بائیڈن جو کہ انتخابی مہم کے سلسلے میں ورجینیا میں تقریر کررہے تھے کہ اس دوران فلسطینیوں کے حامیوں کی جانب سے فلسطینیوں کے حق میں بلند آواز میں نعرے لگا کر بائیڈن کی تقریر میں خلل ڈالا جاتا رہا۔ تقریر کے دوران فلسطینی حامیوں نے صدر بائیڈن سے اسرائیلی مظالم رکوانے اور فوری جنگ بندی کرانے کا مطالبہ کیا۔
خیال رہے کہ اسرائیلی بمباری کے باعث فلسطینی شہدا کی تعداد 25 ہزار سے تجاوز کرگئی ہے جب کہ 62 ہزار سے زیادہ زخمی ہیں.
