صدر مملکت آصف علی زرداری کو اچانک طبیعت ناساز ہونے کے بعد انہیں نوابشاہ سے کراچی کے نجی ہسپتال میں داخل کرا دیا گیا، جہاں ڈاکٹروں کی ٹیم ان کی نگہداشت میں مصروفہیں ۔
گزشتہ روزبخاراورانفیکشن کی شکایت ہونے کے بعد صدر آصف علی زرداری کے مختلف ٹیسٹ کئے گئے، اب وہ نجی ہسپتال میں زیر علاج ہیں ۔
ڈاکٹروں کی ٹیم صدرآصف علی زرداری کی نگہداشت کررہی ہے، پارٹی رہنما کے مطابق صدرآصف علی زرداری کی طبیعت اب پہلے سے بہتر ہے ۔
دوسری جانب وزیر اعظم شہباز شریف نے صدر مملکت آصف علی زرداری کی بیماری کے حوالے سے خبروں پر ان سے رابطہ کیا اور صدر مملکت کی عیادت کی ۔
وزیرِ اعظم شہباز شریف نے صدر مملکت آصف علی زرداری کی جلد صحت یابی کی دعا کی اور کہا کہ اللہ تعالی آپ کو جلد صحت کاملہ عطا فرمائے، پوری قوم کی دعائیں آپ کے ساتھ ہیں ۔
