گلگت بلتستان اسمبلی کے باہر پولیس اہلکاروں نے الاؤنسز میں اضافے کیلئے احتجاج کرتے ہوئے مطالبہ کیا ہے کہ ڈیلی الاؤنس میں 500 فیصد اضافہ کیا جائے ۔
گلگت: صوبائی اسمبلی میں بجٹ پر بحث کے دوران پولیس اہلکاروں نے احتجاج کیا اور کہا کہ بجٹ میں حکومت نے پولیس فورس کو مکمل نظر انداز کیا ہے ۔
مظاہرین کا کہنا تھاکہ ڈیلی الاؤنس 20 دن کا دیا جارہا ہے وہ بھی پرانے ریٹ پر ہے ،پولیس اہلکاروں نے مطالبہ کیا کہ ڈیلی الاؤنس 30 دن کا دیا جائے، راشن، واشنگ اور میڈیکل الاؤنس میں 500 فیصد اضافہ کیا جائے ۔
مظاہرین پولیس اہلکاروں کا مزید کہنا تھا کہ مطالبات پورے نہ ہوئے تو پورے گلگت بلتستان میں احتجاج کی کال دیں گے ۔
دوسری جانب گلگت بلتستان اسمبلی نے آئندہ مالی سال کا ایک کھرب 48 ارب کا بجٹ کثرت رائے سے منظور کرلیا جبکہ ایوان میں اپوزیشن نے ہنگامہ آرائی کی اور بجٹ کو مسترد کر دیا ۔
