تھانہ بنی پولیس کی کاروائی، سٹریٹ کرائم کی وارداتوں میں ملوث 03 رکنی چور گینگ گرفتار ہو گیا۔
تفصیلات کے مطابق گرفتار ملزمان میں نازیہ، دعا اور نعیم شامل ہیں۔ ملزمان سے مسروقہ رقم 25ہزار روپے، مسروقہ موبائل فون اور وارداتوں میں استعمال ہونے والی گاڑی برآمد کر لی گئی۔ ایس ایچ او کا کہنا تھا کہ ملزمان رش والے مقامات پر شہریوں سے قیمتی اشیاء چھین لیتے تھے۔ ان کا کہنا تھا کہ ملزمان کے دیگر سہولت کاروں کو بھی گرفتار کیا جائے گا۔ ان کا مزید کہنا تھا کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے اور شہریوں کو ان کے قیمتی اثاثے سے محروم کرنے والے ملزمان قانون کی گرفت سے نہیں بچ سکتے۔
