پاکستان اور بنگلا دیش کے درمیان پنڈی سٹیڈیم میں کھیلے جا رہے دوسرے ٹیسٹ کا آج فیصلہ کن دن ہے بنگلادیشی ٹیم فتح کے قریب ہے۔
پاکستان نے گزشتہ روز 185رنز کا ٹارگٹ دیا تھا جس کے تعاقب میں مہمان ٹیم نے 2 وکٹوں کے نقصان پر 122 رنز بنا لیے ہیں، بنگلادیش کو جیتنے کیلئے 63 رنز درکار ہے۔
گزشتہ روزبارش اور خراب روشنی کے باعث چوتھے دن کا کھیل جلد ختم کردیا گیا تھا اور آج بنگلادیش نے اپنی اننگز 42 رنز سے آگے بڑھائی۔ لہٰذا یہ کہنا غلط نہیں ہوگا کہ پاکستان پر وائٹ واش کا سایہ منڈلانے لگا ہے ۔
واضح رہے کہ اس ٹیسٹ میچ کے پہلے دن کا کھیل بارش کی وجہ سے منسوخ ہوگیا تھا ، دوسرے دن پاکستان نے پہلے بیٹنگ کرتے ہوئے 274 رنز بنائے جس کے جواب میں مہمان ٹیم 262 رنز بنا کر 12 رنز کے خسارے میں چلی گئی تھی۔پاکستان ٹیم نے 12 رنز کی برتری کے ساتھ دوسری اننگز آگے بڑھائی اور 172 رنز پر ساری ٹیم ڈھیر ہوگئی ااس طرح بنگلا دیش کو جیت کے لیے 185 رنز کا ہدف ملا۔
محکمہ موسمیات نے آج بھی پنڈی میں دوپہر تک بارش کی پیشگوئی کی ہے ۔ میچ بارش سے متاثر ہونے کی صورت میں بھی بنگلا دیش سیریز ایک صفر سے جیت جائے گا۔
