پاکستان کرکٹ بورڈ نے امریکا میں ہونے والے ٹی ٹوئنٹی ورلڈکپ کے دوران ڈسپلن کی خلاف ورزی کرنے والے تمام کرکٹرز کے خلاف گھیرے کو تنگ کرنے کا فیصلہ کرلیا ہے۔
کرکٹرز کی طرف سے چئیرمین محسن نقوی کے خلاف منظم مہم کو چلایا جارہا ہے لیکن پی سی بی نے کسی بھی دباؤ کے بغیر کرکٹرز کے خلاف پابندی لگانے کا فیصلہ کیا ہے۔ایک سابق کپتان پر مشتمل کمیٹی سینئر منیجر وہاب ریاض، منیجر منصور رانا اور غیر ملکی ہیڈ کوچ گیر ی کرسٹن کارروائی کریں گے۔ذرائع کے مطابق اس عمل کا حصہ وقار یونس ہوں گے اور اس کے ساتھ ہی قومی ٹیم کے کھلاڑیوں کے حوالے سے تین رپورٹس کا بھی جائزہ لیا جائے گا۔
ایک رپورٹ کو آزادانہ طور پر انٹیلیجنس سے تیار کروایا گیا ہے، ان رپورٹس کا پی سی بی ڈسپلنری کمیٹی تفصیلی طور پر جائزہ لے گی، کمیٹی کا سربراہ ایک سابق کپتان کو مقرر کیا جارہا ہے جو کہ براہ راست کارروائی کی نگرانی کریں گے۔کمیٹی کی سفارشات کی روشنی میں کھلاڑیوں کے حوالے سے فیصلے بھی کیے جائیں گے جبکہ اس کے برعکس حتمی سفارشات پر عمل درآمد کے لئے وقار یونس اور محسن نقوی شامل ہوں گے۔
