پیرس اولمپکس 2024 میں جنوبی اور شمالی کوریا کے کھلاڑیوں نے پوڈیم پر سیلفی لی جوکہ وائرل ہوگئی ہے۔
جنوبی اور شمالی کوریا کے کھلاڑیوں کی لی گئی ایسی تصویروں کو منفرد قرار دے دیا جارہا ہے کیونکہ پوڈیم پر دونوں ممالک کے کھلاڑی آپس مہں ایک دوسرے کے ساتھ گھل مل گئے تھے۔
غیر ملکی خبررساں اداروں کے مطابق مکسڈ ڈبلز ٹیبل ٹینس میں شمالی کوریا نے سِلور جبکہ جنوبی کوریا نے برانز میڈل جیتا تھا۔اس کے ساتھ ہی مکسڈ ڈبلز میں چین نے سونے کا تمغہ بھی جیتا تھا جس کے بعد میڈلز کے لیے پوڈیم پر شمالی اور جنوبی کوریا کے کھلاڑیوں نے سیلفی لی تھی۔
غیر ملکی خبررساں اداروں کے مطابق کمنٹیٹرز نے کھلاڑیوں کی اس سیلفی کو اسپرٹ آف گیم بھی قرار دیا ہے۔
شمالی کوریا اور جنوبی کوریا کے درمیان کشیدگی پائی جاتی ہےجبکہ نیوکلیئر پاور شمالی کوریا نے جنوبی کوریا کو اپنا بڑا دشمن بھی قرار دیا ہوا ہے۔
