انٹرا پارٹی الیکشن کا معاملہ ،پاکستان تحریک انصاف نے اپنے انٹرا پارٹی انتخابات ملتوی کرنے کا فیصلہ کرلیا۔
پاکستان تحریک انصاف کی جانب سے تاریخ کا اعلان کیے جانے کے اگلے ہی دن انٹرا پارٹی الیکشن ملتوی کرنے کا فیصلہ کیا گیا ہے۔ذرائع کے مطابق پارٹی قیادت نے چیف آرگنائزر سے رابطہ کیا جس میں انٹرا پارٹی الیکشن ملتوی کرنے کی درخواست کی گئی۔ پارٹی ارکان نے بھی عام انتخابات میں مصروفیت کے باعث انٹرا پارٹی الیکشن ملتوی کروانے کی درخواست کی ہے۔پی ٹی آئی کی جانب سے عام انتخابات کے بعد انٹرا پارٹی الیکشن کا نیا شیڈول جاری کیا جائے گا۔
یاد رہے کہ گزشتہ روز ہی پاکستان تحریک انصاف کے انٹراپارٹی انتخابات کا باضابطہ شیڈول جاری کیا گیا تھا۔جس کے تحت انتخابات 5فروری کومنعقد کروانے کا اعلان کیا گیا تھا۔پی ٹی آئی رہنمارؤف حسن کی جانب سے انٹراپارٹی انتخابات کا شیڈول بھی جاری کیا تھا۔
