پاکستان پیپلز پارٹی کے چئرمین بلاول بھٹو نے پریس کانفرنس میں اعلان کیا ہے کہ پیپلز پارٹی حکومت سازی کے لیے ن لیگ کو ووٹ دے گی لیکن وہ وفاقی کابینہ میں وزارتیں نہیں لے گی۔
ان کا کہنا تھا کہ پارٹی ن لیگ کے امیدوار کو ووٹ دے گی، میں اپنا نام وزیراعظم کیلئے پیش نہیں کروں گا کیونکہ ہمارا مینڈیٹ حکومت بنانے کیلئے نہیں ہے، قومی اسمبلی میں آزاد اور ن لیگ کی تعداد زیادہ ہے ۔ پی ٹی آئی نے اعلان کیاہے کہ پیپلز پارٹی سے مذاکرات نہیں کرے گی ،ان کے اعلان کے بعد ان کا حکومت سازی کا مکان ختم ہو گیاہے ۔
پریس کانفرنس سے خطاب کرتے ہوئے بلاول بھٹو زرداری کا کہناتھاس کہ پاکستان پیپلز پارٹی نے فیصلہ کیاہے کہ ہم کمیٹی بنائیں گے جس میں پارٹی کے ممبرز شامل ہوں گے ، جو دیگر پارٹیوں سے بات چیت کرے گی ، یہ کمیٹی حکومت سازی کے عمل اور سیاسی استحکام لانے کیلئے کام کرے گی ، ہم کوشش کریں گے کہ پاکستان کو اس بحران سے نکالیں اور پاکستان کو اس سمت پر لے جا سکیں جو پاکستانی عوام کا حق ہے ، پاکستانی عوام نے اس الیکشن میں حصہ لیا ، اور عوام سیاسی عدم استحکام نہیں چاہتی ، وہ اپنے لیڈرز کی طرف دیکھ رہی ہے ۔
ہم نے حکومت کا حصہ نہ بننے کا فیصلہ کیاہے ، ہم وزارتیں نہیں لیں گے ، ہم بحران بھی نہیں دیکھنا چاہتے ، سیاسی بحران کا نقصان پاکستانی عوام کو ہوگا ، ملک کو معاشی بحران کا سامنا ہے اور دہشتگردی کا خظرہ بھی منڈلا رہاہے ۔ اس لیے ہم حکومت سازی کا حصہ بنیں گے اور پاکستان کو ان بحرانوں سے نکالیں گے ۔
