اسلام آباد:وفاقی وزیرِ اطلاعات و نشریات عطاء اللہ تارڑ نے کہاہے کہ افغان طالبان رجیم کی جانب سے پاکستان افغانستان سرحد پر بلا اشتعال فائرنگ کی کارروائیوں کا بھرپور اور مؤثر جواب دیا جا رہا ہے اور دیا جاتا رہے گا۔
سماجی رابطے کی ویب سائٹ ایکس پر پیغام میں وفاقی وزیرِ اطلاعات نے کہاکہ افغان طالبان رجیم اور بھارتی سوشل میڈیا اکاؤنٹس سے جھوٹا اور بے بنیاد پرپیگنڈا کیا جارہا ہے جس کا حقیقت سے کوئی تعلق نہیں۔ وزیرِ طلاعات عطاءاللہ تارڑ نےکہاکہ عملی میدان میں شکست فاش کے بعد افغان طالبان رجیم جھوٹ اور پراپیگنڈے کا سہارا لے رہی ہے۔ افغان طالبان رجیم کو ہر گز جھوٹ کے پیچھے چھپنے نہیں دیں گے۔
وزیراطلاعات نے کہاکہ افغانستان کو ماضی کی پسپائیوں سے سبق سیکھنا چاہیئے۔ پاکستان کی طرف میلی آنکھ سے دیکھنے والے ہر دشمن کے ناپاک عزائم کو خاک میں ملاتے رہیں گے۔
