پاکستان نے نیوزی لینڈ کو تیسرے ٹی 20 میں شکست دے دی،پاکستان نے 205 رنز کا ہدف 16 اوورز میں حاصل کیا۔
پاکستان ٹیم نے ہدف کےتعاقب کا آغاز شاندار اورجارحانہ انداز میں کیا،پاکستانی اوپنرز محمد حارث اور حسن نواز نے تیز بیٹنگ کے ذریعے ٹیم کو مضبوط آغاز فراہم کیا،
پہلی وکٹ گرنے کے کے بعد بھی پاکستانی بیٹرز نے ہدف پر نظریں جما کر تیزبیٹنگ جاری رکھی اور 10 اوورزمیں اسکور 124 تک پہنچا دیا،اس دوران حسن نواز نےاپنی نصف سنچری بھی مکمل کی جبکہ دوسرے اینڈ سے کپتان سلمان آغا نے بھی تیز رن ریٹ کےساتھ بیٹنگ جاری رکھی۔
دونوں بیٹرزکی تیز بیٹنگ اور پارٹنرشپ کی بدولت پاکستان نےبا آسانی میچ 4 اوورز پہلے ختم کردیا۔ حسن نواز 105 اور سلمان آغا 51 رنز بنا کر ناٹ آؤٹ رہے۔
تیسرے ٹی ٹوئنٹی میچ میں نیوزی لینڈ نے پاکستان کو 205 رنز کا ہدف دیا تھا،نیوزی لینڈ کو پانچ میچوں کی سیریز میں 1-2 کی برتری حاصل ہے
نیوزی لینڈ کی بیٹنگ
پہلی وکٹ گرنے کے بعد نیوزی لینڈ نے پلٹ کرجواب دیا اور تیز بیٹنگ کر کے 4 اوورز میں اسکور 43 تک پہنچا دیا جس کے بعد ٹم سائفرٹ 19 رنز بنا کر حارث رؤف کا شکار بن گئے۔
پاکستان کیخلاف نیوزی لینڈکی پہلی وکٹ 3 رنز پر گرگئی،فن ایلن بغیرکوئی رن بنائے آؤٹ ہوئے،دوسری وکٹ 43 رنز پرگری،ٹم سائفرٹ 19 رنز بناکرحارث رؤف کی گیند پرآؤٹ ہوئے،تیسری وکٹ 98 رنزپرگری۔
چوتھی وکٹ 135 رنز پرگری،جمی نیشم 4 رنز بناکر آؤٹ ہوئے،نیوزی لینڈ کی پانچویں وکٹ 141 رنز پر گری، مارک چیپ مین 94 رنز بناکر آؤٹ ہوئے،مارک چیپ مین نے 44 گیندوں پر 97 رنز بنائے۔
میچ میں حسن نواز نےٹی 20 میں پاکستان کیلئےتیزترین سنچری کاریکارڈ اپنےنام کرلیا، اس سےقبل ٹی 20انٹرنیشنل میں تیزترین سنچری کا ریکارڈ بابراعظم کے پاس تھا۔ اس کے علاوہ نیوزی لینڈ کیخلاف بہتر کارکردگی پر حسن نواز مین آف دی میچ قرار پائے۔
