آزاد کشمیر کے وزیراعظم چوہدری انوار الحق کا کہنا ہے کہ ان کی حکومت نے 15 ماہ کی مختصروقت میں بہت سارے معجزاتی کام کیے۔
مظفر آباد میں پریس کانفرنس کرتے ہوئے چوہدری انوار الحق کا کہناتھا کہ آزاد کشمیرحکومت کے 15 ماہ کے دورانیے میں کشمیر میں 3 روپے فی یونٹ بجلی ملنا شروع ہوئی، جو آنے والے وقتوں میں بھی جاری رہے گی۔
وزیراعظم آزاد کشمیر کا مزید کہنا تھاکہ قومی اسمبلی سے پہلے آزاد کشمیر کی اسمبلی نے ختم نبوت کی قرارداد منظور کی تھی، آج قانون ساز اسمبلی نے 7 ستمبر کو یوم ختم نبوت منانے کی قرارداد منظور کی ہے۔
چوہدری انوار الحق کا کہنا تھا کہ مزید ترقیاتی منصوبوں پر کام جاری ہے، ہم نے لوگوں سے جو وعدہ کیا وہ پورا کیا،عوام کو سہولتیں فراہم کرنے کے لیے پرعزم ہیں۔
