حکومت کی جانب سے راولپنڈی و اسلام آباد میں پانچ دن کیلئے شادی ہالز اور ریسٹورینٹس بند رکھنےکا فیصلہ کیا گیا ہے۔ حکم اسلام آباد میں شنگھائی تعاون تنظیم (ایس سی او) کانفرس کے پیش نظر کی اگیا ہے۔ حکم کے تحت 12 سے 16 اکتوبر کے دوران شادی ہال،کیفے، ریسٹورینٹ اور اسنوکرکلب بند رکھے جائیں گے۔
یاد رہے ایس ای او سربراہ اجلاس 16 اور 17 اکتوبر کو اسلام آباد میں ہورہا ہے جس میں چین کے وزیراعظم لی چیانگ سمیت مختلف ممالک کے سربراہان شرکت کریں گے۔ پولیس کے مطابق ایس ای او سربراہ اجلاس کے دوران جڑواں شہروں میں سکیورٹی سخت کرنے کا فیصلہ کیا گیا ہے جس کے تحت 12 سے 16 اکتوبر کے دوران شادی ہال،کیفے، ریسٹورینٹ اور اسنوکرکلب بندکرنےکا حکم بھی دیا گیا ہے۔
اس ضمن میں پولیس نے تاجروں، ہوٹل اور ریسٹورینٹ مالکان کو نوٹسز جاری کردیے ہیں جس میں بتایا گیا ہے کہ خلاف ورزی کرنے والوں کے خلاف قانونی کارروائی کی جائےگی۔ دونوں شہروں میں 14 سے 16 اکتوبر تک عام تعطیل کا اعلان بھی کیاگیاہے۔
