اسلام آباد کے علاقے آئی ایٹ مرکز میں فائرنگ کا واقعہ پیش آیا ہے۔فائرنگ کے نتجیے میں ایک فرد زخمی جبکہ دوسرا جان کی بازی ہارگیا۔
ذرائع کے مطابق اسلام آباد کے علاقے آئی ایٹ مرکز میں فائرنگ کا ایک واقعہ پیش آیا۔ایک کار میں دو لوگ سوار تھے۔فائرنگ میں جانبحق ہونے والا شخص گاڑی میں سوار تھا جب ملزمان نے اس پر فائرنگ کی۔ فائرنگ کے نتیجے میں زخمی ہونے کے بعد مقتول نے جان بچانے کے لیے قریب میں زیر تعمیر عمارت کی طرف پناہ لی۔ تاہم، ملزمان نے عمارت میں داخل ہو کر مقتول پر مزید فائرنگ کی اور پھر بعد میں آسانی سے فرار ہو گئے۔
