اسلام آباد: وفاقی حکومت نے پٹرول کی فی لٹر قیمت میں اضافہ کردیا جبکہ ہائی سپیڈ ڈیزل کی قیمت میں کوئی تبدیلی نہیں کی گئی ہے ۔
وفاقی وزارت خزانہ کی جانب سے جاری اعلامیے میں کہا گیا کہ حکومت نے اوگرا اور دیگر متعلقہ وزارتوں کی تجویز کے بعد پٹرولیم مصنوعات کی قیمتوں میں ردو بدل کا فیصلہ کیا ہے ۔
اعلامیے میں کہا گیا ہے کہ پیٹرولیم مصنوعات کی نئی قیمت کا اطلاق یکم جون سے اگلے 15 روز کے لیے ہوگا ۔
حکومتی اعلامیے کے مطابق پٹرول کی قیمت میں ایک روپے فی لیٹر کا اضافہ کردیا گیا ہے، جس کے بعد فی لیٹر پٹرول کی نئی قیمت 253 روپے 63 پیسے ہوگئی ہے ۔
وزارت خزانہ کے اعلامیے کے مطابق ہائی سپیڈ ڈیزل کی قیمت بغیر کسی ردو بدل کے فی لیٹر 254 روپے 64 پیسے برقرار رکھی گئی ہے ۔
