شمالی وزیرستان میں سیکیورٹی فورسز نے کارروائی کرتے ہوئے 8 خوارج کو ہلاک کردیا ہے۔
کے پی کے ضلع شمالی وزیرستان میں سیکیورٹی فورسز نے خفیہ اطلاع پر کارروائی کی۔اس کارروائی کے دروان سیکیورٹی فورسز نے فائرنگ کر کے 8 خوارج کو ہلاک کردیا ہے۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں انٹیلی جنس بیسڈ آپریشن کیا گیا۔جس کے نتجیے میں 8 دہشت گردوں کو ہلاک کیا گیا ہے۔
آئی ایس پی آر کے مطابق خوارج کے قبضے سے اسلحہ اور گولہ بارود بھی برآمد کیا گیا،آئی ایس پی آر کے مطابق ہلاک ہونے والے دہشتگرد فورسز، معصوم شہریوں کی ٹارگٹ کلنگ کرنے میں ملوث تھے۔
یاد رہے کہ 20 ستمبر کو شمالی اور جنوبی وزیرستان میں سیکیورٹی فورسز نے خفیہ اطلاع ملنے پر کارروائی کر کے فائرنگ کے تبادلے کے بعد 12 خوارج کو موت کی نیند سلا دیا ہے۔
اس سے پہلے 7 ستمبر کو سیکیورٹی فورسز نےکے پی کے ضلع مہمند میں کامیاب کارروائی کے دوران 4 خارجی خود کش بمبار دہشت گردوں کو ہلاک کیا گیا تھا،اور اس کے ساتھ ہی فرنٹیئر کانسٹیبلری (ایف سی) ہیڈکوارٹرز مہمند پر حملے کی کوشش ناکام بنادیا گیا تھا۔
سیکیورٹی فورسز نے اگست کے آخر میں بھی کے پی کے ضلع خیبر کی وادی تیراہ میں کامیاب آپریشن کے دوران 25 دہشتگردوں کو ہلاک کیا تھا۔
