پاکستان سپر لیگ کے کراچی میں شیڈول میچز کے دوران شہر کی کوئی سڑک بند نہیں ہوگی۔
کراچی ٹریفک پولیس کے مطابق پی ایس ایل 9 کے میچز کے دوران شہر قائد کی کوئی سڑک بند نہیں ہوگی البتہ ہیوی ٹریفک کو میچ کے روٹس والے راستوں سے نہیں گزرنے دیا جائے گا۔پی ایس ایل 9کے پلے آف اور فائنل سمیت 11میچز کی میزبانی کراچی کے نیشنل اسٹیڈیم کو دی گئی۔ ایونٹ کے دوسرے مرحلے کے میچز کا آغاز آج سے 18مارچ تک کراچی میں شیڈول ہے۔اس موقع پر کراچی ٹریفک پولیس نے تماشائیوں کیلئے پارکنگ کیلئے خصوصی ٹریفک پلان مرتب کیا ہے۔جو شائقین کرکٹ جو کارساز، ملینیم اور نیوٹاؤن سے آرہے ہیںاپنی گاڑیاں پی ایس بی کوچنگ سینٹر /چائنا گراؤنڈ میں پارک کرسکیں گے۔دوران میچ سہراب گوٹھ سے جانب نیپا، لیاقت آباد نمبر 10سے حسن اسکوائر، پیپلز چورنگی سے یونیورسٹی روڈ، کارساز سے اسٹیڈیم، ملینیم تا نیوٹان، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا.
