سیکورٹی کے پیش نظر شہر اقتدار میں دفعہ ایک سو چوالیس نافذ العمل۔ وفاقی دارلحکومت میں کسی قسم کے احتجاج کی اجازت نہیں ہے۔
اسلام آباد پولیس نے کہا ہے کہ سکیورٹی کے پیش نظر وفاقی دارالحکومت میں دفعہ 144نافذ العمل ہے۔سماجی رابطے کی ویب سائٹ پر جاری بیان میں پولیس کا کہنا تھا کہ ہائی سکیورٹی زون میں سکیورٹی الرٹ کی گئی ہے۔پارلیمنٹ ہاؤس کی جانب جانے کی صرف ان افراد کو اجازت ہوگی جن کے پاس دعوت نامے ہوں گے۔مزید کہا کہ قومی اسمبلی کے اجلاس میں شرکت کرنے والے کچھ مہمانوں کے دعوت نامے منسوخ کردیئے گئے ہیں۔ کسی بھی قسم کے احتجاج کی اجازت نہیں ہے۔سیف سٹی سے نگرانی کی جا رہی ہے۔اسلام آباد پولیس کا کہنا تھا کہ ہائی سکیورٹی زون میں کسی بھی سرگرمی کیلئے ایس ایس پی آپریشنز کو درخواست دینا ضروری ہے۔کسی بھی غیر قانونی سرگرمی کرنے والوں کے خلاف قانونی کارروائی عمل میں لائی جائے گی۔
