گلگت بلتستان میں پاک آرمی کے ہیلی کاپٹر کے ذریعے ہسپر ویلی میں پھنسی 4 حاملہ خواتین کو کامیابی کے ساتھ ریسکیو کرکے ہسپتال منتقل کردیا گیا ۔
نگر( ندیم خان) سپر ویلی میں پھنسی 4 حاملہ خواتین کو پاک آرمی کے ہیلی کاپٹر کے ذریعے کامیابی کیساتھ ریسکیو کرنے کے بعد بحفاظت علی آباد ہسپتال ہنزہ منتقل کر دیا گیا ۔
ڈپٹی کمشنر اصغر خان احمد کی درخواست پر پاک فوج نے فوری فضائی امداد فراہم کی، ہیلی کاپٹر ریسکیو آپریشن کامیابی سے مکمل کیا، مریضاؤں کو بروقت طبی سہولیات فراہم کی گئی ۔
ڈپٹی کمشنر نے ریسکیو آپریشن کی خود نگرانی کی، پاک فوج کے بروقت اور مؤثر تعاون کو ضلعی انتظامیہ کی جانب سے سراہا گیا ،ضلعی انتظامیہ نے ہنگامی حالات میں عوام کو ہر ممکن امداد فراہم کرنے کے عزم کا اعادہ کیا ہے ۔
