فیصل آباد جانے والی ملت ایکسپریس بڑی تباہی سے بچ گئی جب کوٹری ریلوے اسٹیشن کے قریب اس کی چار بوگیاں پٹری سے اتر گئیں.
تفصیلات کے مطابق کراچی سے فیصل آباد جانے والی ملت ایکسپریس کی 4 بوگیاں بریک فیل ہونے کے باعث کوٹری موڑ کے قریب پٹری سے اتر گئیں۔ ٹرین کی بوگیاں پٹری سے اترنے سے متعدد مسافروں کو معمولی چوٹیں آئیں جبکہ حادثے میں کسی جانی نقصان کی اطلاع نہیں ملی۔ واقعے کے بعد اپ ٹریک پر ریل کی آمدورفت معطل ہوگئی۔ ریلوے حکام کا کہنا ہے کہ کراچی ایکسپریس، گرین لائن اور سکھر ایکسپریس کو مختلف اسٹیشنوں پر روکا گیا۔ حادثے کے فوراً بعد ہیوی مشینری موقع پر پہنچ گئی اور ٹریک کو ٹریفک کے لیے کلیئر کرنے کے لیے آپریشن شروع کر دیا۔
