لاہور: وزیراعلیٰ پنجاب مریم نواز شریف سے ملتان کے ارکان اسمبلی اور ٹکٹ ہولڈرز نے ملاقات کی۔
ملاقات میں ارکان اسمبلی اور ٹکٹ ہولڈرز نے عوامی مسائل کے حل کے لیے تجاویز اور سفارشات پیش کیں۔
ان سفارشات کو وزیراعلیٰ نے نوٹ کرتے ہوئے ضروری اقدامات کا حکم دیا۔
ضلع ملتان کے ارکان اسمبلی اور ٹکٹ ہولڈرز نے ملتان کے ترقیاتی منصوبوں پر وزیراعلیٰ مریم نواز شریف کا شکریہ ادا کیا۔
ارکان اسمبلی نے ریکارڈ مدت میں جلالپور پیر والا اور نوراجہ بھٹہ فلڈ بند کی تعمیر پر خراج تحسین پیش کیا۔
وزیراعلیٰ مریم نواز شریف نے شجاع آباد اور خان گڑھ کے درمیان چناب پل بنانے کی تجویز سے اتفاق کیا۔
وزیر اعلیٰ نے جیل منتقل کرکے عوامی پارک بنانے کی تجویز کا جائزہ لینے کی ہدایت کی۔
انہوں نے خانیوال روڈ کی توسیع اور ری ڈیزائننگ کا بھی حکم دیا۔
ارکان اسمبلی نے کہا کہ وہ وزیراعلیٰ مریم نواز شریف کے ساتھ ہیں اور ہمیشہ ساتھ کھڑے رہیں گے۔
ان کا کہنا تھا کہ باقی صوبکی نسبت پنجاب ترقی کی سب سے بڑی مثال بن کر سامنے آیا ہے۔
ارکان اسمبلی نے کہا کہ قبضہ گروپوں کے خاتمے کے لیے وزیراعلیٰ مریم نواز شریف نے جرات مندانہ فیصلے کیے۔
وزیراعلیٰ مریم نواز شریف نے کہا کہ ترقی کا فوکس کوئی ایک شہر نہیں بلکہ پنجاب کے 40 اضلاع ہیں۔
گرین بس پنجاب کے دور دراز علاقوں میں پہلے اور لاہور میں بعد میں آئی۔
پنجاب میں پہلی مرتبہ آبادی کے تناسب سے ترقیاتی منصوبے دیئے جارہے ہیں۔
انہوں نے کہا کہ کینسر کی کوابلیشن مشین میو ہسپتال لاہور کے بعد نشتر ہسپتال ملتان میں بھی نصب کی گئی ہے۔
کوابلیشن مشین کے ذریعے ملتان ہی نہیں بلکہ دیگر صوبوں کے کینسر مریض بھی بغیر سرجری علاج سے مستفید ہوں گے۔
وزیراعلیٰ نے ہدایت کی کہ ارکان اسمبلی کو متعلقہ حلقوں میں ترقیاتی منصوبوں کی تکمیل تک شامل رکھا جائے۔
