گویانگ، گوئے ژو: وزیراعلیٰ پنجاب مریم نواز شریف نے چین کے شہر گوئے ژو میں انٹرنیشنل بگ ڈیٹا ایکسپو میں شرکت کی اور تقریب سے خطاب کیا۔
مریم نواز نے کہا کہ مصنوعی ذہانت اور بگ ڈیٹا مستقبل کی ترقی میں اہم کردار ادا کریں گے۔
پاکستان اور چین کی دوستی آزمودہ اور مضبوط ہے اور دونوں ملکوں کے عوام ایک دوسرے سے محبت اور عزت کرتے ہیں۔
وزیراعلیٰ نے کہا کہ ہم پنجاب کو جدید ٹیکنالوجی اور ڈیجیٹل معیشت کا مرکز بنانا چاہتے ہیں۔
پنجاب میں نوجوانوں کو جدید ٹیکنالوجی کی تعلیم اور ہنر فراہم کر رہے ہیں۔
پنجاب کے نوجوان جدید ٹیکنالوجی کے میدان میں دنیا کا مقابلہ کرنے کی صلاحیت رکھتے ہیں اور آراستہ و ہنر مند ہیں۔
انہوں نے کہا کہ چین کے ساتھ ٹیکنالوجی اور ڈیجیٹل شعبے میں تعاون مزید بڑھائیں گے۔
پنجاب حکومت ڈیجیٹل تبدیلی اور جدید ٹیکنالوجی کے فروغ کے لیے عملی اقدامات کر رہی ہے۔
ڈیجیٹل معیشت روزگار اور سرمایہ کاری کے نئے مواقع پیدا کرنے کی صلاحیت رکھتی ہے۔
مریم نواز نے چین کی تیز رفتار ڈیجیٹل ترقی کو قابلِ تقلید مثال قرار دیتے ہوئے کہا کہ گوئے ژو میں ڈیجیٹل ٹیکنالوجی کے شعبے میں ہونے والی پیشرفت متاثر کن ہے۔
ڈیٹا اور مصنوعی ذہانت کے ذریعے تعلیم، صحت، زراعت اور حکومتی امور میں عوامی خدمات کو مزید مؤثر بنایا جا سکتا ہے۔
