مانسہرہ پولیس نے الیکڑک کی دکان سےجنریٹر اور پتھر توڑنے والی مشین کرایہ پر لے جا کر ضبط کرنے والے ملزم کو گرفتار کر لیا۔
تفصیلات کے مطابق ماجد نامی دکاندار نے تھانہ لاری اڈہ کی پولیس کو تحریری درخواست دی کہ کنگڑ میرا کے رہائشی محمد آصف ولد غلام مصطفی نامی شخص نے اس سے 95 ہزار مالیت کا جنریٹر اور 32 ہزار روپے مالیت کی پتھر توڑنے والی مشین کرایہ پر لی اور اب واپس نہیں کر رہا۔ واضح رہے کہ مانسہرہ پولیس نے ملزم کو گرفتار کرتے ہوئے اس سے جنریٹر اور پتھر توڑنے والی مشین برآمد کر کے دکاندار کے حوالے کر دی۔
