ماں باپ اکثر یہ شکایت کرتے نظر آتے ہیں کہ ان کے بچے ہر وقت موبائل پر مصروف رہتے ہیں اور ان کے لیے کوئی صحت مند تفریح میسر نہیں۔ یہ بات ٹھیک بھی ہے کیونکہ بچوں کی روائتی تفریح کے تمام ذرائع ختم ہو چکے ہیں۔ نانی اماں اور دادی اماں کی کہانیاں دم توڑ چکی ہیں اور ساتھ ہی بچوں کی معصومیت بھی غائب ہوتی جا رہی ہے۔ مین اسٹریم میڈیا پر بھی بچوں کی تفریح کے لیے پروگرامز نہ ہونے کے برابر ہیں۔ ایسے میں کے ٹو ٹی وی کا پروگرام ’’ببلی اور بطوطہ‘‘ بچوں کے لیے شاندار تفریح فراہم کر رہا ہے۔
ہر اتوار کی شام چھ بجے پیش کیے جانے والا یہ پروگرام نہ صرف تفریح کا ذریعہ ہے بلکہ پروگرام میں بچوں کو اخلاقیات کے ساتھ ساتھ مہارتیں بھی سکھائی جاتی ہیں اور وہ بھی دلچسپ انداز میں۔ یہ منفرد شو، اپنے دلکش کرداروں اور سیگمینٹز کے ساتھ، قیمتی اسباق اور مہارتیں فراہم کرتے ہوئے بچے کو بہت اچھی تفریح فراہم کرتا ہے۔
پروگرام میں بچوں کو کہانیاں سنائی جاتی ہیں۔ مثال کے طور ہر حالیہ پروگرام میں ببلی اپنی ماں سے شلجم بنانے کی شکایت کرتی ہے۔ پھر کارٹون کردار بطوطہ ایک بڑے شلجم کے بارے میں ایک کہانی سناتا ہے۔ کہانی میں شلجم کو نکالنے کے لیے سب مل کر کام کرتے ہیں۔ یہ کہانی بچوں کو سکھاتی ہے کہ اتحاد کسی بھی خواہش کے حصول کے لئے ضروری ہے۔
ببلی اور بطوطہ بنیادی آداب پر گفتگو کرتے ہیں۔ وہ بچوں کو منفرد انداز میں بنیادی طریقے سکھاتے ہیں تاکہ وہ انہیں اپنا سکیں۔ شو کا یہ حصہ بچوں کو اہم سبق دیتا ہے کہ کس طرح دوسروں کے ساتھ اچھا برتاؤ انہیں ایک بہترین انسان بنائے گا۔ یہ سیگمینٹ بچوں کو چھوٹی عمر سے ہی ہمدردی اور احترام کے جذبات کو سمجھنے میں مدد کرتا ہے
پروگرام میں بچوں کی دلچسپیوں اور ضروریات کے مطابق "ڈو اٹ یور سیلف” ویڈیوز بھی دیکھائی جاتی ہیں۔ یہ ویڈیوز نہ صرف بچوں میں تخلیقی صلاحیتوں اور سیکھنے کی حوصلہ افزائی پیدا کرتی ہیں بلکہ ان کے تخیلات کو دریافت کرنے اور عملی مہارتوں کو فروغ دیتی ہیں۔
جو چیز "ببلی اور بطوطہ” کو ممتاز کرتی ہے وہ تفریح اور تعلیم کا انضمام ہے۔ ہر سیگمینٹ کو سوچ سمجھ کر ڈیزائن کیا گیا ہے تاکہ بچوں کی توجہ حاصل کی جا سکے اور زندگی کے قیمتی اسباق اور ہنر کو ٹھیک طریقے سے سکھایا جا سکے۔ شو کی کامیابی اس کی تفریح اور سیکھنے کے درمیان توازن قائم کرنے کی صلاحیت میں پوشیدہ ہے، جس سے ایک منفرد اثر پیدا ہوتا ہے۔
کے ٹو ٹی وی پر "ببلی اور بطوطہ” بچوں کےلیے معیاری پروگرامنگ کی ایک روشن مثال کے طور پر کھڑا ہے۔ اپنے دلکش کرداروں، دل چسپ کہانی سنانے اور متنوع دلچسپیوں کے ذریعے، شو نہ صرف تفریح فراہم کرتا ہے بلکہ تعلیم بھی دیتا ہے جو بچوں پر مثبت اثر چھوڑتا ہے۔
