مانسہرہ کے علاقے کاغان لڑی کے مقام پر سیاحوں کی گاڑی گہری کھائی میں جا گری، افسوسناک حادثہ میں میاں بیوی جاں بحق ہو گئے جبکہ گاڑی میں سوار دو سالہ بچہ معجزانہ طور پر محفوظ رہا ۔
ریسکیو حکام کا کہنا ہے کہ ناراں سے واپس آنے والے سیاحوں کی موٹر کار کاغان کے قریب بے قابو ہو کر گہری کھائی میں جا گری جس کے نتیجے میں کار میں سوار میاں بیوی جاں بحق ہو گئے جبکہ ان کا دو سالہ بچہ معجزانہ طور پر محفوظ رہا ۔
ریسکیو کے مطابق بچے کو معمولی چوٹیں آئیں ہیں حادثے کی علی الصبح ملنے پر کاغان ڈویلپمنٹ اتھارٹی کے ایمرجنسی سٹاف ریسکیو اورمانسہرہ پولیس نے جائے حادثہ پہنچ کر مقامی لوگوں کی مدد سے لاشیں کھائی سے نکال کر قریبی ہسپتال منتقل کر دیں ۔
جاں بحق ہونے والے جوڑے کا تعلق حضرو اٹک سے بتایا جاتا ہے اور ہانگ کانگ میں رہائش پذیر تھے سیر وتفریح کے لئیے ناران گئے تھے کہ واپسی پر انکی گاڑی بے قابو ہو کر سینکڑوں فٹ گہری کھائی میں جا گری ۔
