جہلم ویلی آزادکشمیر میں لائن آف کنٹرول چکوٹھی کے مضافاتی علاقہ کھلانہ خورد نالے میں نہاتے ہوئے دسویں جماعت کا طالب علم ڈوب کر جاں بحق ہو گیا۔
ذرائع کے مطابق اتوار کے روز کھلانہ خورد کا رہائشی دسویں جماعت کا طالبعلم جس کی شناخت فیضان عباسی کے نام سے ہوئی ہے گاوں کے چند دیگر لڑکوں کے ساتھ نزدیکی نالہ میں نہانے گیا۔جہاں پر وہ نہاتے ہوئے ڈوب کر جانبحق ہو گیا
اطلاع ملتے ہی مقامی افراد اور ریسکیو 1122موقع پر پہنچ گئی جسے مقامی افراد نے کئی گھنٹوں بعد ڈیڈ باڈی ریسکیو کر کے ڈسڑکٹ ہسپتال ہٹیاں بالا حب منتقل کیا۔ جہاں ضروری کاروائی کے بعد نعش کو ورثاء کے حوالے کر دیا گیا ہے۔یاد رہے کہ جاں بحق ہونے والے طالبعلم فیضان کا والد ایک سال قبل ہارٹ ٹیک سے وفات پا گیا تھا۔ جاں بحق ہونے والا فیضان اپنی چار بہنوں کا اکلوتا بھائی تھا۔
